තරඟ ප්‍රවේශපත්‍ර පිළිබඳ ශ්‍රී ලංකා ක්‍රිකට් නිල නිවේදනයක් නිකුත් කරයි

Sports News

2022 ජනවාරි 16 වැනිදා පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී ආරම්භ වන ශ්‍රී ලංකාව සහ සිම්බාබ්වේ එක්දින තරගාවලිය නැරඹීම සඳහා ප්‍රවේශපත් www.srilankacricket.lk සහ www.bookmyshow.com හරහා මිලදී ගත හැකිය. මේ අතර, 2022 ජනවාරි 13 වැනි දින සිට ආරම්භ වන පහත ස්ථානවල පිහිටුවා ඇති කවුන්ටරවලින්ද ප්‍රවේශපත්‍ර මිලදී ගත හැක.

එම ස්ථානය පිළිවෙලින් මෙසේ පෙළගැස්විය හැක අභිත ක්‍රීඩාංගනය , බලගොල්ල (තරග දිනවල පමණක්) – පෙ.ව. 09 සිට ප.ව 5 දක්වා පල්ලෙකැලේ ජාත්‍යන්තර ක්‍රිකට් ක්‍රීඩාංගනය (2022 ජනවාරි 13 සිට ආරම්භ වේ) – (තරග නොපැවැත්වෙන දින වල ) – පෙ.ව. 09 සිට ප.ව 5 දක්වා. අන්තර්ජාලය හරහා ප්‍රවේශපත්‍ර මිලදී ගත් මහජනතාවට ඉහත කවුන්ටරවලින් ප්‍රවේශපත්‍ර ලබා ගත හැක. තරඟ ප්‍රවේශපත්‍ර මිල රුපියල් 300, 1000 සහ 3000 අතර පරාසයක පවතී.

මහනුවර පල්ලේකැලේ ජාත්‍යන්තර ක්‍රිකට් ක්‍රීඩාංගනයේ උපරිම ධාරිතාවයෙන් ප්‍රේක්ෂකයින්ගෙන් සියයට 50 කට පමණක් ක්‍රීඩා නැරඹීම සඳහා ක්‍රීඩාංගණයට ඇතුළු වීමට අවසර හිමිවනවා. කෙසේ වෙතත්, දැනට පවතින එන්නත් කිරීමේ ප්‍රොටෝකෝලයට අනුව Covid-19 ආසාදනයට එරෙහිව සම්පූර්ණයෙන් එන්නත් කර ඇති අයට පමණක් භූමියට ඇතුළු වීමට අවසර හිමිවෙයි.

නරඹන්නන් එන්නත් කිරීමේ සාක්ෂි (කාඩ්පත හෝ ඩිජිටල් ආකාරයෙන්) රැගෙන යා යුතු අතර භූමියට ඇතුළු වීමට අවම වශයෙන් දින 14කට පෙර 2 වන එන්නත සම්පූර්ණ කර තිබිය යුතුය. ශ්‍රී ලංකාව සහ සිම්බාබ්වේ අතර තරග 03කින් යුත් එක්දින තරගාවලිය 2022 ජනවාරි 16, 18 සහ 21 යන දිනවල පැවැත්වීමට නියමිතයි.

Leave a Reply

Your email address will not be published. Required fields are marked *